最近天氣好天落雨、好天落雨咁，趁放假好天仲唔即刻去出去走走。
我哋喺近海旁附近搵到西餐廳，食完就出去去西環碼頭了。
雖然唔喺第一次去西環碼頭，但同一個地方，與不同人去會有不同的感覺。
我哋出發是差唔多日落時分，行去碼頭果段路，被太陽🌞曬都到正，而我又唔記得帶太陽眼鏡，唯有閉上眼晴挽住 Jam 嘅手行啦！
沿途有個條觀景小路，有唔少一家大細都出嚟曬曬太陽，釣下魚，除咗戴上口罩外，都冇阻大家享天倫之樂。小路的近海的欄杆有藝術家用毛線編織公仔套喺欄杆上，超靚！！
唔容易出汗嘅我，都曬到出了一身汗💦後，终於來到了。
加埋呢次，我只喺去過呢度兩次，但次次都喺個人爭啲嘢咁, 點樣爭啲嘢法？ 上一次就喺化咗個靚妝，但著咗件撞晒色嘅衫 - 紅色格仔Shirt衫，去到先知出事，幾乎個個貨櫃都係紅色，影相就撞晒色啦！😓
今次醒咗，襯好晒衫，但喺戴住口罩😷真喺唔想化妝，口罩底下的暴光率又唔高，除完口罩啲粉底又印咗喺口罩內，確實好唔想戴返，需知宜家一罩難求，又唔想買貴口罩，所以真喺唔想化妝(講咁耐咪即喺懶！😅）真喺好羨慕一啲美眉，口罩底下都可以化個靚妝。💃💃
我同 Jam 都鐘意影陽光，特別喺日落，看到它慢慢地在天空落下，天空的顏色由藍色變成橙色，再變成紫色，最後是深藍色。顏色多變得令人著迷，無論有幾曬，都想捕捉它的每一刻。
西環有一間Zero Waste 的店舖，佢的裝修主要用木為主，採用落地玻璃引入天然光，日頭都唔駛開咁多燈，既環保♻️又有家的感覺，因為我哋都喺「輕」環保人士，所以好鐘意呢間店的裝修及佢採購嘅產品，最值得欣賞喺佢有啲貨品喺以無包裝出售，可以自己帶袋或樽去裝，要幾多磅幾多，唔記得帶袋或樽都唔緊要，佢都有紙袋及樽比你裝。
為咗慶祝我哋記得的帶密實袋，所以可以獎勵自己去買嘢🛍️。 今次買咗小米、小麥意粉同有機薯片。
後記：有機薯片是貪佢有半價而買的，包裝完全唔吸引，心諗有機薯片都以健康為主，對佢冇乜期望，但估唔到原來喺好好食㗎！😍😍 後悔冇買多幾包😭
Comments